काठमाडौं– निर्मला पन्तको आत्माको चीर शान्तिको कामना गर्दै नेपाली कांग्रेसको भ्रातृ संगठन नेपाल विद्यार्थी संघको प्राविधिक विद्यार्थी परिषद् (फोट्स)ले शुक्रबार माइतीघर मण्डलामा दीप प्रज्वलन गरेको छ ।

ण्कञ्चनपुरकी बालिका निर्मला पन्तको गत वर्ष साउन १० गते बलात्कारपछि हत्या भएको थियो। आज १ वर्ष पुगेको अवसर पारेर विद्यार्थीहरुले दीप प्रज्वलन गरेको फोट्सका अध्यक्ष सुवाश घिमिरेले बताए ।

कार्यक्रममा ने वि संघका निवर्तमान महामन्त्री कुन्दनराज काफ्लेको प्रमुख आतिथ्मा सम्पन्न भएको थियो । कार्यक्रममा महिलासंघकी महासचिव धना खतिवडा, विद्यार्थी नेताहरु रामप्रसाद अधिकारी, बलदेव तिमल्सिना, सुशील भट्ट लगायत नेता कार्यकर्ता सहभागी रहेका थिए ।

कार्यक्रममा निर्मलाले न्याय कहिले पाउने नामक बोर्ड राखिएको थियो । निर्मला हत्याको एक वर्ष भइसक्दा पनि घटनामा संलग्न दोषी पत्ता लगाउन नसक्दा सरकारको आलोचन भइरहेको छ ।