काठमाडौं – दक्षिण कोरियामा दुर्घटनामा परी मृत्यु भएका तीन नेपालीका परिवारलाई क्षतिपूर्तिबापतको रकम लिन परराष्ट्र मन्त्रालयले अपिल गरेको छ ।

दक्षिण कोरिया रोजगारका लागि पुगेका पाँचथर मिक्लाजुङ गाँउपालिकाका सरोज आङदेम्बे, धादिङ कटुन्जेका काठुर तामाङ र उदयपुर त्रियुगाका भुपाल राईका परिवारलाई क्षतिपूर्ति रकमका लागि सूचनामार्फत सम्पर्क गर्न परराष्ट्र मन्त्रालयले अपिल गरेकको छ ।

कोरियामा सामसुङ कम्पनीका कायरत तीनै जानको सवारी दुर्घटनामा मृत्यु भएको थियो । मृतक तीनै जनाले कम्पनीबाट पाउनु अन्य सुविधा पनि कम्पनीबाट उपलब्ध हुने भएको र मृतकका हकदारका परिवारले परराष्ट्र मन्त्रालयअन्तर्गतको कन्सुरलर विभागमा सम्पर्क गर्न आग्रह गरेको छ ।

मृतकका सरोजका परिवारले १२ हजार ७ सय ७९ अमेरिकी डलर (१४ लाख १३ हजार १ सय ६५ नेपाली रुपैयाँ), ठाकुरका परिवारले १८ हजार ६ सय ६ अमेरिकी डलर (२० लाख ५३ हजार ४ सय ५१ रुपैयाँ) र भुपालको परिवारले १६ हजार ७ सय ८१ अमेरिकी डलर (१८ लाख ५२ हजार ३५ रुपैयाँ) पाउने कोरियास्थित नेपाली दूतावासले जानकारी दिएको छ ।