काठमाडौँ– दोस्रो टी–२० ह्विलचियर क्रिकेट एसिया कप २०२३ आज सुरु हुँदैछ । काठमाडौँको मुलपानी क्रिकेट मैदानमा हुने प्रतियोगितामा आयोजक पाकिस्तान, सहआयोजक नेपालसहित भारत, श्रीलङ्का र बङ्गलादेशको सहभागिता रहनेछ ।

दोस्रो संस्करणको आयोजनाको जिम्मेवारी पाकिस्तानको भए पनि भारतले राजनीतिक तनावका कारण पाकिस्तानमा खेल्न नमानेपछि नेपालले प्रतियोगिता आयोजना गर्ने अवसर पाएको हो ।

सन् २०१९ मा भएको पहिलो संस्करण पनि नेपालले नै आयोजना गरेको थियो ।

उद्घाटन खेलमा आज घरेलु टिम नेपालले श्रीलङ्काको सामना गर्नेछ । घरेलु मैदानमा खेल्ने भएकनले पनि नेपालको प्रदर्शन राम्रो हुने नेपाली टिमका कप्तान हिमाल अर्यालले आशा व्यक्त गरे ।

हालै भारतको गुजरातमा आयोजक भारत, श्रीलङ्का र बङ्गलादेश सहभागी प्रतियोगितामा नेपालले राम्रो प्रदर्शन गरेको थियो । प्रतियोगिता असोज २२ गतेसम्म हुनेछ ।