काठमाडौँ- साउदी अरबमा झापाका एक जना बेपत्ता भएका छन् । वैदेशिक रोजगारीका लागि साउदी अरब पुगेका झापाको दमक ९ का घनेन्द्र सुवेदी एक सातादेखि सम्पर्कविहीन भएका हुन् ।
साउदी अरबको रियादस्थित अल अरिद कम्पनीमा २००३ देखि क्रेन डाईभरका रूपमा कार्यरत रहेका थिए । सुवेदी गत बुधबार बिहान ८ बजे आफ्नो मोबाइल र कम्पनीको मोबाइल सबै कम्पनीमा बुझाई कम्पनीको सुजुकी जिप गाडी लिएर सम्पर्कविहीन भएका हुन् ।
हालसम्म पनि उनी सम्पर्कमा नआएको परिवारले जनाएको छ । सम्पर्कविहीन भएका सुवेदीको खोजीका लागि सहयोग गरिदिन झापा समाज साउदीले दूतावास लगायत विभिन्न संघसंस्था र व्यक्तिलाई आग्रह गरेको छ ।
प्रतिक्रिया