काठमाडौँ– पत्रकार तथा साहित्यकार राजेन्द्र पराजुलीको निधन भएको छ । बिएन्डबी अस्पतालमा उपचारका क्रममा पराजुलीको आज बिहान निधन भएको हो ।
निमोनियासँगै डेंगी संक्रमण भएपछि उनी बिएन्डबी अस्पतालमा भर्ना भएका थिए ।
विभिन्न सञ्चारमाध्यममा लामो समयसम्म पत्रकारिता गरेका पराजुली साहित्यका क्षेत्रमा पनि सक्रिय थिए ।
पराजुलीका शुक्रराज शास्त्रीको चस्मा (कथा), अघोरी (कथा), कोटेश्वरको केटो, भ्रष्ट समवेदना (कविता कृति), अनायिका (उपन्यास), सपनामा माक्र्स (कथा), जाडोमा भोक, विकल्प यात्रा (कथा) प्रकाशित छन् ।
पराजुलीको आजै पशुपति आर्यघाटमा दाहसंस्कार गरिने पारिवारिक स्रोतले जनाएको छ ।
प्रतिक्रिया