काठमाडौँ- हिमालयन बैंकले कनेक्ट आईपीएससँगको सहकार्यमा मोबाइल बैंकिङ प्रयोगकर्ताहरुका लागि ‘फण्ड ट्रान्सफरमा मोबाइल फोन हातमा’ अफर ल्याएको छ । यस अफरअन्तर्गत बैंकको मोबाइल बैंकिङ एचआइए–एमबी एपमार्फत् फण्ड ट्रान्सफर गर्ने दुई जनाले स्मार्टफोन जित्न सक्नेछन् ।

सो अफर यही भदौ १ देखि २१ भदौसम्म लागू हुने बैंकले जनाएको छ । यसअनुसार मोबाइल बैकिङ एपबाट फण्ड ट्रान्सफर गर्ने दुई जना प्रयोकर्ताहरुलाई अफरको अन्त्यमा लकी ड्र मार्फत् स्मार्टफोन प्रदान गरिनेछ ।

अफरका विजेताको घोषणा हिमालयन बैंकको आधिकारिक सामाजिक सञ्जालमार्फत् प्रकाशन गरिने बैंकले जानकारी दिएको छ ।

फण्ड ट्रान्सफर तथा विभिन्न भुक्तानीका निम्ति मोबाइल बैकिङको बढ्दो प्रयोग र लोकप्रियतालाई मध्यनजर गर्दै बैंकले अफर सार्वजनिक गरेको हो । यस अफरले ग्राहकहरुलाई फण्ड ट्रान्सफरमा आधारित सेवाहरु लिन थप प्रोत्साहन गर्ने बैंकको विश्वास छ ।