काठमाडौँ- नेपाल प्रहरीको केन्द्रीय अनुसन्धान ब्युरो (सीआईबी) ले नक्कली चिकित्सक भनेर पक्राउ परेका व्यक्ति सक्कली चिकित्सक भएको पाइएको छ ।

सीआईबीले नक्कली प्रमाणपत्र लिएका चिकित्सकविरुद्ध सञ्चालन गरेको ‘अपरेसन फोक्स्ट्रोट चार्ली ’ अभियानका क्रममा महोत्तरी पिपराका डा रञ्जितकुमार यादव पनि पक्राउ परेका थिए । यद्यपि उनी सक्कली डाक्टर भएको पाइएको हो ।

नक्कली चिकित्सकका बाबुको नामबाहेक सबै विवरण हुबहु मिल्न गएपछि डा. यादव पक्राउ परेको बताइएको छ । नक्कली चिकित्सकसँग नाम, थर र ठेगाना सबै मिलेका कारण उनी पक्राउ परेका हुन् ।

सीआईबीले सञ्चालन गरेको कारवाहीका क्रममा नेपाली कांग्रेसका सांसद समेत रहेका डा. सुनील शर्मासहित ८ जना पक्राउ परेका थिए । यद्यपि अदालतको आदेशसँगै डा. शर्मा रिहा भइसकेका छन् ।