काठमाडौँ- राष्ट्रिय स्वतन्त्र पार्टी रास्वपाले संसद् बैठक नियमित सञ्चालनका लागि सार्थक पहल गर्न सभामुख देवराज घिमिरेसमक्ष आग्रह गरेको छ ।
एक क्विन्टल सुन तस्करी प्रकरणको छानविन गर्न समिति गठनको माग गर्दै प्रमुख प्रतिपक्षी एमालेले १० साउनदेखि लगातार सदन अवरुद्ध गर्दै आएको छ । शुक्रबारको बैठकमा पनि एमाले सांसदहरुले नाराबाजी गरे । जसअनुसार आउँदो सोमबार बस्नेगरी बैठक स्थगित गरिएको छ ।
सभामुख घिमिरेसँगको भेटवार्ताका क्रममा रास्वपाका सांसदहरुले संसद बैठक सञ्चालनका लागि सार्थक पहल गरिदिन आग्रह गरेका हुन् ।
रास्वपाले सदन अवरोधको समयको सुविधा नलिने जानकारी पनि सभामुखलाई गराएको छ ।
प्रतिक्रिया