नयाँ दिल्ली- हिन्द प्रशान्त क्षेत्रलाई खुला, स्वतन्त्र र समृद्ध बनाउन जापान र भारत सहमत भएका छन् ।

भारतको राजधानी नयाँ दिल्लीमा आयोजित मन्त्रीस्तरीय सुरक्षा बैठकका क्रममा समावेशिता र विधिको शासनका आधारमा यस क्षेत्रमा थप सहकार्य गर्न दुई मुलुक सहमत भएका हुन् ।

बैठकमा भारतीय विदेशमन्त्री एस जयशंकर र उनका जापानी समकक्षी योशिमासा हायाशी सहभागी रहेका थिए ।

बैठकका क्रममा भारत र जापानबीच कायम विशेष रणनीतिक सम्बन्ध र विश्वव्यापी साझेदारीका विषयमा छलफल भएको भारतीय समाचार संस्था एएनआईले जनाएको छ ।

बैठकका क्रममा द्विपक्षीय सम्बन्ध, दुई मुलुकका साथै अमेरिका र अस्टे«लिया सहभागी क्वाड समूह, जी २० र जी ७ जस्ता बहुपक्षीय मञ्चलगायतका मुद्दाहरुमा पनि चर्चा भएको थियो ।

दुई देशका मन्त्रीहरुले द्विपक्षीय सहकार्यप्रति सन्तोष व्यक्ति गर्दै आत्मरक्षा एवम् सुरक्षा क्षेत्रमा कायम साझेदारीलाई अझ गहिरो बनाउने विषयमा छलफल गरेका थिए ।