एजेन्सी । मोबाइल प्रयोगकर्ता बढेसँगै मोबाइल एप्लिकेशन डाउनलोडको संख्या पनि बढेको छ । एक अध्ययनले सन् २०१८ मा विश्वभर मोबाइल १ खर्ब ९४ एप्लिकेशन डाउनलोड भएको देखाएको छ । सो अवधिमा उनीहरु औसत दैनिक ३ घण्टा मोबाइलमा बिताउने गरेका छन् ।

मोबाइल तथ्यांक तथा विश्लेषण सेवाप्रदायक एप एन्नीले आफ्नो ‘द स्टेट अफ मोबाइल २०१९’ प्रतिवेदनमा गतवर्ष एपमा मानिसहरूले १ खर्ब १ अर्ब डलर खर्च गरेर एप डाउनलोड गरेको उल्लेख छ । यसको करीब ४० प्रतिशत रकम चिनियाँ प्रयोगकर्ताले खर्च गरेका थिए । यसमध्ये धेरैजसो मोबाइल गेमिङ एप थिए ।

विश्वका प्रमुख ३ सय प्रविधि कम्पनीमध्ये चिनियाँ कम्पनीमा ३२ प्रतिशत उपभोक्ताले खर्च गरेका थिए । उनीहरूले करीब १९ अर्ब ६० करोड आम्दानी गरेका थिए । अमेरिकी कम्पनीले भने उपभोक्ता खर्चको २२ प्रतिशत भाग ओगटेका थिए ।