मस्को- रुसको दक्षिणपश्चिमी ताम्बोभ क्षेत्रमा रहेको बारूद कारखानामा विस्फोटपछि आगलागी हुँदा कम्तीमा चार जनाको मृत्यु भएको छ । घटनामा अरु दुई जना घाइते भएका छन् ।
कोटोभस्क शहरमा रहेको बारूद कारखानाको भवनमा विस्फोट भएको हो । विस्फोटबाट लागेको आगो केही समयपछि निभाइएको तास समाचार एजेन्सीले जनाएको छ ।
‘मानवीय त्रुटिका कारण उक्त घटना भएको थियो । म कुनै शङ्का नगरी भन्न सक्छ– यो आतङ्कवादी हमला थिएन । यद्यपि त्यहाँ कुनै हताहती भने भएन’ ताम्बोभ क्षेत्रका प्रमुख म्याक्सिम येगोरोभले भनेका छन् ।
उनले दुर्घटनाबाट प्लान्टका कामदार वा छिमेकी बस्तीका बासिन्दाहरूलाई कुनै पनि खतरा नरहेको बताएका छन् । दुर्घटना बारे छानबिन भइरहेको छ ।
प्रतिक्रिया