वीरगन्ज– १ वर्ष अगाडि एउटा युवतीमाथि बलात्कार गरी भागेका भनिएका व्यक्ति नेपाली सेनाको ब्यारेकमा लेखापालका रुपमा कार्यरत रहेको पाइएको छ ।
पर्सा प्रहरीले १ साउन २०७४ मा भएको बलात्कार घटनाका अभियुक्तलाई सेनाकै ब्यारेकबाट पक्राउ गरेको छ । वीरगन्जस्थित नेपाली सेनाको चण्डी प्रसाद गणमा लेखापालको रुपमा कार्यरत दुर्गा तिमिल्सिना जबरजस्ती करण (बलात्कार) मुद्दामा पक्राउ परेका हुन् ।
उनीविरुद्ध जबरजस्ती करणीको उजुरी परेपनि उनी फरार थिए । प्रहरीले अनुसन्धान गर्दा उनी नेपाली सेनामा कार्यरत रहेको पाइएपछि पक्राउ गरेको हो ।
पक्राउ परेका तिमिल्सिनामाथि थप अनुसन्धान भइरहेको जिल्ला प्रहरी कार्यालय पर्साले जनाएको छ ।
प्रतिक्रिया