काठमाडौँ– नेकपा एकीकृत समाजवादी पार्टीका अध्यक्ष माधव कुमार नेपालले नागरिकता विधेयक प्रमाणीकरण पछि प्रवासी नेपालीहरु खुसी भएको बताएका छन् ।

प्रवासी नेपाली एकता मञ्चको पहलमा अष्ट्रेलिया र न्युजिल्याण्डको भ्रमण सम्पन्न गरि स्वदेश फर्किएका अध्यक्ष नेपालले लामो समयदेखि रोकिएको नागरिकता विधेयक प्रमाणीकरण पछि प्रवासी नेपालीहरूको समस्या समाधान भएको प्रति उनीहरु उत्साहित भएको बताएका हुन् ।

उनले अस्ट्रेलियामा नेपालबाट नेपाली विमान सिधै जानका लागि पहल भइरहेको जानकारी पाएको उल्लेख गरे । प्रधानमन्त्रीको भारत भ्रमणका बारेमा आफू बाहिर रहँदा पनि प्रधानमन्त्री र नेताहरूसंग कुराकानी गरेको अव यस विषयमा थप छलफल गर्ने उनले बताए ।

त्यस्तै उनले बजेटका विषयमा आएका चर्चाका विषयमा आफू जानकार रहेको भन्दै यस विषयमा पनि प्रधानमन्त्रीसँग छलफल गर्ने जानकारी दिए ।

सगरमाथाको आरोहणको ७० औं वर्षदिवसको कार्यक्रममा सहभागी भएर अध्यक्ष नेपाल स्वदेश फर्किएका हुन् ।