काठमाडौँ– अर्थमन्त्री प्रकाशशरण महतले आर्थिक बर्ष २०८०-८१ को बजेट सार्वजनिक गर्न मन्तव्य दिइरहेका छन् ।

 संघीय संसद् भवन, बानेश्वरमा जारी संघीय संसद्को बैठकमा अर्थमन्त्री महतले बजेट सार्वजनिक गरिरहेका हुन ।

‘नयाँ कम्पनी दर्ता गर्दा र कम्पनीको पुँजी वृद्धि गर्दा शुल्क लाग्दै आएकोमा अबदेखि कुनै पनि शुल्क वा दस्तुर नलाग्ने व्यवस्था मिलाइनेछ, न्यूनतम एक सय रुपैयाँमात्र अधिकृत पुँजी घोषणा गरेर पनि कम्पनी खोल्न सक्ने कानूनी व्यवस्था गरिनेछ, अर्थमन्त्री महतले भने,  ‘अनलाइनबाट कम्पनी दर्ता र खारेजी गर्न सकिने गरी प्रक्रियालाई सरल र पारदर्शी बनाइनेछ। विदेशी लगानीमा सञ्चालित उद्योगका लगानीकर्ता तथा सीपयुक्त जनशक्तिको भिसा प्राप्ति प्रक्रियालाई सरल र लचिलो बनाइने छ।’