मस्को- युक्रेनी सेनाले रुसको बेल्गोरोड क्षेत्रको शेबेकिनो जिल्लामा गरेको गोलाबारीमा एक जनाको मृत्यु भएको छ । घटनामा अरु तीन जना घाइते भएका छन् ।
यस क्षेत्रका गभर्नर भियाचिस्लाभ ग्लादकोभले शनिबार दिएको जानकारी अनुसार गोलाबारीका क्रममा शहरको एक अपरेटिङ इन्टरप्राइजमा सुरक्षा गार्डका रूपमा कार्यरत एक जनाको मृत्यु भएको हो ।
घाइते हुनेमा दुई किशोर र एक वयस्क रहेको पनि गभर्नरले बताएका छन् ।
‘दुई ठूला उद्योगको परिसरमा कैयौं गोला खसेको र आगोलागी भएको थियो । आपतकालीन सेवाहरूले क्षेत्रको निरीक्षण गरिरहेको छ’ गभर्नरले भने।
युक्रेनको खार्किभ क्षेत्रको छेउमा अवस्थित बेल्गोरोड क्षेत्र हालै युद्धको केन्द्र बनेको छ।
प्रतिक्रिया