काठमाडौँ – नेपाल प्रज्ञा प्रतिष्ठानले युगकवि सिद्धिचरण श्रेष्ठको ११२ औँ जन्मजयन्तीका अवसरमा आज श्रद्धाञ्जलिसभा गरेको छ ।

कमलादीस्थित प्रतिष्ठान परिसरमा आयोजित सभामा उहाँको शालिकमा माल्यार्पण तथा श्रेष्ठको योगदानको चर्चा गरियो । प्रतिष्ठानका कुलपति भूपाल राईले मुलुकमा प्रजातन्त्र स्थापनाका लागि युगकवि सिद्धिचरणले सिर्जना गरेका साहित्यले तत्कालीन समयमा सामाजिक न्यायका लागि सङ्घर्षको चेतना प्रदान गरेको स्मरण गरे ।

वरिष्ठ साहित्यकार बैरागी काइँलाले सिद्धिचरणका रचना अहिले पनि महत्त्वपूर्ण र कालजयी रहेको भन्दै नेपाली भाषा साहित्यको क्षेत्रमा पु¥याएको योगदानलाई नयाँ पुस्ताले सम्मान गर्नुपर्ने बताए।

प्राज्ञ बाबा बस्नेतले जनतालाई अधिकार सम्पन्न बनाउन उनका सिर्जना केन्द्रित रहेको बताउँदै ती कृतिबारे थप खोज अनुसन्धान गर्नुपर्ने बताए । श्रद्धाञ्जलिसभामा युगकवि श्रेष्ठका चर्चित गीत र कविता प्रस्तुत गरिएको थियो ।