लण्डन- बेलायती राजा चार्ल्स तृतीयको राज्याभिषेक हेर्न एक करोड ४० लाखभन्दा धेरै मानिस उपस्थित भएको बीबीसीले जनाएको छ ।
बीबीसी वानको मुख्य च्यानलमा एक करोड ३४ लाख दर्शकले राज्याभिषेकको अवलोकन गरेका थिए भने औसतमा एक करोड १९ लाखले हेरेका थिए ।
बेलायतमा ७० वर्षपछि पहिलो पटक आयोजना गरिएको समारोह टेलिभिजनमा प्रसारण हुने दोस्रो र रङ्गीन श्रव्यदृश्यमा देखाइएको पहिलो राज्याभिषेक थियो ।
तर यो आँकडाले विगतका प्रमुख शाही अवसरहरूमा समग्र अवलोकनको आँकडा निकै कम भएको सङ्केत गर्छ ।
चार्ल्सकी आमासमेत रहेही महारानी एलिजाबेथ द्वितीयाको गत वर्षको राजकीय अन्त्येष्टिले आधुनिक समयमा बेलायतको सबैभन्दा ठूलो टेलिभिजन दर्शकलाई आकर्षित गरेको थियो ।
प्रतिक्रिया