काठमाडौं – आइतबार पूँजीबजार नेपाल स्टक एक्सचेञ्ज (नेप्से) ९.१९ अङ्कले घटेको छ । आज नेप्से ०.३४ प्रतिशतले घटेर २६१७.९५ बिन्दुमा झरेको हो ।

कारोबार अवधिभर आज चार अर्ब ७३ करोड २४ लाख ८७ हजार रुपैयाँ बराबरको शेयर कारोबार भएको छ । आज एक करोड ११ लाख ३४ हजार १७८ कित्ता शेयर किनबेच भएको हो ।

आज ९१ वटा कम्पनीको शेयर मूल्य बढेको छ भने १४१ वटा कम्पनीको शेयर मूल्य घटेको छ । ११ वटा कम्पनीको शेयरमूल्य स्थिर छ । आज दिनभरमा ३२० वटा कम्पनीको शेयर कारोबार भएको हो । ५६ हजार ६४६ पटक शेयर किनबेच भएको छ ।

आज पाँच कम्पनीको शेयर मूल्यमा भने सकारात्मक सर्किट लागेको छ । पाँच समूह बढेको छ भने ६ वटा समूह घटेको छ । आज सबैभन्दा बढी जीवन बीमा १.५१ प्रतिशतले बढेर १२ हजार ८२५.७८ विन्दुमा पुगेको छ । सबैभन्दा कम ट्रेडिङ समूह ०.३९ प्रतिशतले बढेर तीन हजार ५५९.७९ विन्दुमा पुगेको छ ।

त्यस्तै, फाइनान्स समूह १.११ प्रतिशतले, होटल एण्ड टुरिजम ०.६९ प्रतिशतले र हाइड्रोपावर समूह ०.४७ प्रतिशतले बढेको छ ।

आज सबैभन्दा बढी वाणिज्य बैंक समूह १.३० प्रतिशतले घटेर १५०३.६२ विन्दुमा पुगेको छ भने सबैभन्दा कम लगानी समूह ०.१७ प्रतिशतले घटेर १०४.३५ विन्दुमा अएको छ ।

त्यस्तै, विकास बैंक ०.५१ प्रतिशतले, उत्पादन तथा प्रशोधन ०.९१ प्रतिशतले, लघुवित्त ०.७३ प्रतिशतले, म्युचुअल फण्ड ०.४२ प्रतिशतले, निर्जीवन बीमा ०.४४ प्रतिशतले र अन्य समूह ०.३२ प्रतिशतले घटेको छ ।