काठमाडौं- आईसीसी क्रिकेट विश्वकपको १३ औं संस्करण भारतमा हुने भएको छ । आगामी संस्करण सन् २०२३ को ९ फेब्रअरीदेखि मार्च २६ सम्म आयोजना गर्ने गरि आईसीसीले मिति तय गरेको छ ।
चौथो पटक विश्वकप आयोजनाको जिम्मा पाएको भारतले यसअघिका तीन संस्करणमा पाकिस्तान, श्रीलंका र बंगलादेशसँग मिलेर संयुक्त रुपमा आयोजना गरेको थियो ।
जसमा भारतले सन् १९८७ को विश्वकपमा पाकिस्तानसँग मिलेर आयोजना गरेको थियो भने १९९६ मा पाकिस्तान र श्रीलंकासँग मिलेर आयोजना गरेको थियो । यस्तै सन् २०११ मा बंगलादेश र श्रीलंकासँग संयुक्त रुपमा आयोजना गरेको थियो ।
आगामी विश्वकप भने पहिलो पटक भारतले एक्लै आयोजना गर्न लागेको छ । भारतले सन् १९८३ र २०११ मा विश्वकपको उपाधि उचालेको थियो ।
प्रतिक्रिया