काठमाडौं । मुलुकभर आज मौसममा बदली भई पहाडी भेगका केही स्थानमा वर्षा र हिमाली भेगमा भारी हिमपात भएकोछ । सुदूत तथा मध्यपश्चिमका पहाडी तथा हिमाली क्षेत्रमा सोमबार रातिदेखि हिमपात भएको हो भने काठमाडौं उपत्यकामा पनि मंगलरबार रातिबाट वर्षा भएको छ ।

मंगलबार दिउँसो सामान्य बदली भए पनि बुधबार विहानैबाट वर्षा शुरु भएको हो । आज दिनभर वर्षाको सम्भावना रहेको मौसम पूर्वानुमान शाखाले जनाएको छ । पश्चिमी वायुको प्रभावले मौसममा आंशिकदेखि सामान्य बदली देखिए पनि बेलाबेलामा घाम पनि लाग्ने मौसम पूर्वानुमान महाशाखाले जनाएको छ।

‘यस अवधिमा न्यूनतम तापक्रम नघटे पनि अधिकतम तापक्रम घट्ने भएकाले बढी चिसो महसुस गरिएको हो । वर्षा भएसँगै काठमाडौंमा चिसो बढेको छ । बिहीबार देशको पश्चिमी भूभागमा आंशिकदेखि सामान्य बदली रही पूर्वी तथा मध्य पहाडी भूभागमा आंशिक बदली र बाँकी भूभागमा मौसम सामान्यतया सफा रहने महाशाखाले जनाएको छ।