पोखरा – धौलागिरि हिमालको आधार शिविरबाट एक भरिया बेपत्ता भएका छन् । धौलागिरि आधार शिविरबाट समान पुर्याएर फर्किने क्रममा भरिया अमृत राई बेपत्ता भएका हुन् ।
जिल्ला प्रहरी कार्यालयका अनुसार सोलुखुम्बुको दुधकुण्ड नगरपालिका-१ नुथलाका २० वर्षीय राई हिमपातमा परी बेपत्ता भएको खबर प्राप्त भए पछि खोजी कार्य जारी राखिएको छ । धौलागिरि आधार शिविरमा समान पुर्याएर फर्किने क्रममा भारी हिमपात भएको र सो हिमपातमा परी राईको बेपत्ता भएको हुन सक्ने अनुमान छ ।
धौलागिरि हिमालमा हिउँ पहिरो गएको र सोही हिउँ पहिरोमा परी उनी बेपत्ता भएको आशंकामा खोजी कार्य जारी राखिएको छ । शुक्रबारदेखि म्याग्दीको हिमाली क्षेत्र आसपासमा समेत हिमपात भएको थियो ।
प्रतिक्रिया