काठमाडौँ- भारतले म्यान्मारमा हवाई आक्रमणमा परी सर्वसाधारणको मृत्यु भएको घटनाप्रति दुःख व्यक्त गरेको छ । भारतीय विदेश मन्त्रालयका प्रवक्ता अरिन्दम बागचीले घटनाप्रति दुःख व्यक्त गर्दै सबै पक्षलाई शान्तिपूर्ण समाधान खोज्न आह्वान गरेका छन् ।
उनले म्यान्मारको उक्त घटनाबाट आफूहरु विचलित भएको उल्लेख गरे । केही समयअिघ म्यान्मारको सागिङ क्षेत्रको कम्बालु टाउनसिप नजिकै हाल सरकार चलाइरहेको सेनाले हवाई आक्रमण गर्दा १६८ जनाको मृत्यु भएको थियो ।
भारत म्यान्मारमा शान्ति, स्थिरता र प्रजातन्त्र पुनर्वाहलीको पक्षमा रहेको समेत बागचीले उल्लेख गरे । सन् २०२१ मा म्यान्मारको सैनिक हुन्टाले सरकार कब्जा गरेयता त्यहाँ हिंसात्मक घटना बढ्दै गएका छन् ।
प्रतिक्रिया