एलबी मगर

रोल्पा– रुन्टिगढि गाउँपालिका रोल्पाको पाँचौ गाउँसभा सम्पन्न भएको छ । आइतबार सम्पन्न सभाले आगामी आर्थिक बर्ष २०७६/ २०७७ का लागि चालू र पुजिगत गरि कुल बजेट ४६ करोड ५६ लाख ४ हजार रुपैयाँ बजेट बिनियोजन गरि पास गरेको छ।

गाउँसभाबाट नमुना बिद्यालय स्थापना , नमुना स्वास्थ कार्यक्रम , राष्ट्रीय मिडिया सम्मेलन २०७६, कृषि तथा जडिबुटी महोत्सव २०७६, सबैभन्दा पहिला बिकासमा महिला , कृषि अनुदान ,जेष्ठ नागरिक दिवा सेवा केन्द्र , बालबालिका सहारा केन्द्र स्थापना , गोठ देखि ओठ कृषिक लाई नोतै नोट , गाउँपालिका इजलास स्थापना , गाउँ नगर प्रहरी सेवा सन्चालन , पर्यटन प्रबर्द्धन जस्ता नयाँ र नमुना निति तथा कार्यक्रमहरु सर्बसम्मत रुपमा पारित गरेको गाउँपालिकाका अध्यक्ष बालाराम बुढाले बताए ।

उल्लेखित कार्यक्रमहरुले समग्र रुन्टिगढि जनताको जिबनस्तर माथी उठाउनमा सहयोग पुर्याउनुनेमा बिस्वस्त रहेको गाउँपालिकाकी उपाध्यक्ष छ्माया पुन बताउँछिन् । नीति तथा कार्यक्रमले सबै क्षेत्र , बर्ग समुदायलाई समेटिएको गाउँपालिकाका प्रबक्ता जगत बहादुर घर्तीले जानकारी दिए ।

असार ९ र १० गतेदेखि सुरु भएको गाउँसभा विभिन्न विषयमा छलफल गर्दै आइतबार सम्पन्न भएको हो ।

गाउँपालिकाका अध्यक्ष बालाराम बुढाको अध्यक्षता र उपाध्यक्ष छमाया पुनको स्वागत मन्तव्य बाट सुरु भएको कार्यक्रमको सन्चालन गाउँपालिकाका नायव सुब्बा दिपक डि.सि. गरेका थिए ।