काठमाडौं– विश्वकप क्रिकेटको फाइनल खेलमा न्यूजिल्याण्डले घरेलु टोली इंग्ल्याण्डसामु २ सय ४२ रनको विजयी लक्ष्य प्रस्तुत गरेको छ ।

लर्ड्स मैदानमा टस जितेर पहिले ब्याटिङ गरेको न्यूजिल्याण्डले निर्धारित ५० ओभरमा ८ विकेट गुमाउँदै २ सय ४१ रन बनाएको हो ।

न्यूजिल्याण्डका लागि हेनरी निकोलसले सर्वाधिक ५५ रन बनाए । त्यस्तै, टम लाथमले ४७ र केन विलियमसनले ३० रन जोड्नुबाहेक अन्यले उल्लेखनीय प्रदर्शन गर्न सकेनन् ।

न्यूजिल्याण्डका टम जिम्मी निसम र मार्टिन गुप्टिलले समान १९ रन बनाए भने कोलिन ग्राण्डहमले १६ र रस टेलर १५ रनमा आउट भए ।

म्याट हेनरी अन्तिम ओभरमा केबल ४ रन बनाएर आउट भए । मिचेल साट्नर ५ र ट्रेन्ट बोल्ट १ रनमा अविजित रहे । इंग्ल्याण्डका लागि लाम प्लङ्केट र क्रिस वक्सले समान ३–३ विकेट लिए । जोफ्रा आर्चर र मार्क उडको नाममा १–१ विकेट रह्यो ।