काठमाडौँ- भारतको जम्मु कश्मीरमा विश्वकै सबैभन्दा अग्लो स्थानको रेलवे पुल सञ्चालनमा आउने भएको छ । जम्मु कश्मीरको रेयासी जिल्लामा निर्मित यो पुलले बक्कल र कौरीलाई जोड्ने भारतीय सञ्चारमाध्यमले जनाएका छन् ।
जम्मु कश्मीर भएर बग्ने चेनब नदिमा यो पुल निर्माण गरिएको हो । यो पुलको उचाई १ हजार १ सय ७८ फिट रहेको भारतीय समाचार संस्था एएनआईले जनाएको छ । यो फ्रान्सको राजधानी पेरिसमा रहेको आइफेल टावरभन्दा ३५ मिटर अग्लो रहेको जनाइएको छ ।
२५ हजार करोड भारतीय रुपैयाँको लगानीमा निर्मित उधमपुर, श्रीनगर, बरामुल्ला रेल लिंक परियोजनामा यो पुल समावेश रहेको भारतीय सञ्चार माध्यमले जनाएका छन् ।
यो पुलको सबै आवश्यक परीक्षण भइसकेको बताइएको छ ।
प्रतिक्रिया