काठमाडौँ- द्वन्द्वपीडित सुरक्षाकर्मी परिवारले संक्रमणकालीन न्यायसँग सम्बन्धित विधेयकका विषयमा सभामुख देवराज घिमिरेको ध्यानाकर्षण गराएका छन् ।
सिंहदरबारस्थित सभामुखको कार्यालय पुगेर द्वन्द्वपीडित सुरक्षाकर्मीका परिवारले सभामुख घिमिरेको ध्यानाकर्षण गराएका हुन् । सरकारले संसदमा प्रस्तुत गरेका संक्रमणकालीन न्यायसँग सम्बन्धित विधेयक एकपक्षीय भएको उनीहरुको आरोप छ ।
द्वन्द्वपीडित सुरक्षाकर्मी परिवारको माग सम्बोधन नहुनेगरी सरकारले एकपक्षीय रुपमा विधेयक ल्याएको उनीहरुको भनाइ छ ।
उनीहरुले द्वन्द्वपीडितलाई संक्रमणकालीन न्यायको सिद्धान्तबमोजिम सकेसम्म चाँडो न्याय दिनेगरी कानूनमा परिवर्तन गर्न पनि सभामुखसमक्ष माग गरेका छन् ।
प्रतिक्रिया