पार्ट मोरस्वी– पपुवा न्यूगिनीमा भएको जातीय हिंसामा कम्तीमा २४ जना मारिएका छन् ।

पपुवा न्यूगिनीको मध्यभागमा रहेको दुर्गम हेला प्रान्तमा भएको जातीय हिंसामा अन्य दर्जनौं घाइते भएका छन् । हिंसामा मारिनेमा गर्भवती महिला र बालबालिका समेत छन् ।

हागुई, ओकिरु र लिवी जातीबीच छेडिएको हिंसापछि हत्याकाण्ड भएको हो । पछिल्ला केही दिनयता हेला प्रान्तमा विभिन्न जातीय समुदायबीच श्रोत तथा साधनका विषयमा तीब्र मतभेद रहेको र यो हिंसामा परिणत भएको हुनसक्ने आँकलन गरिएको छ । यद्यपि पछिल्लो हिंसाको विषयलाई लिएर भएको हो भन्ने स्पष्ट भइसकेको छैन ।

त्यहाँका प्रधानमन्त्री जेम्स मारापेले यसलाई आफ्नो जीवनकै सबैभन्दा दुखद दिनको संज्ञा दिएका छन् । उनले हिंसामा संलग्नलाई कानूनी दायरामा समेत ल्याउन सक्दो पहल गर्ने प्रतिबद्धता व्यक्त गरेका छन् ।