काठमाडौँ- उत्तर पूर्वी भारतको मणिपुर राज्यमा पहिलो पटक अन्तर्राष्ट्रिय फुटबल प्रतियोगिताको आयोजना हुने भएको छ । मेघालयको राजधानी इम्फालस्थित खुमन लाम्पाक रंगशालामा आगामी मार्च २२, २४ र २६ का दिन अन्तर्राष्ट्रिय मैत्रिपूर्ण फुटबल प्रतियोगिता हुन लागेको हो ।

प्रतियोगितामा भारतीय राष्ट्रिय फुटबल टिमका साथै किर्गिजस्तान र म्यान्मारका राष्ट्रिय फुटबल टिमले सहभागिता जनाउने आसामबाट प्रकाशित हुने आसाम ट्रिब्युनले जनाएको छ ।

मणिपुरका मुख्यमन्त्री एन बिरेन सिंहले अखिल भारतीय फुटबल संघका अध्यक्ष कल्याण चौबेको उपस्थितीमा प्रतियोगिताबारे पत्रकार सम्मेलनमार्फत जानकारी गराएको जनाइएको छ ।

मुख्यमन्त्री सिंहले आफ्नो राज्यलाई अन्तर्राष्ट्रिय फुटबल प्रतियोगिता आयोजना गर्ने मौका दिएकामा अखिल भारतीय फुटबल संघलाई धन्यवाद पनि दिएका छन् ।

उनले उक्त प्रतियोगिता सफलतापूर्वक आयोजना गर्नका लागि आफ्नो सरकारले कुनै कसर बाँकी नराख्ने समेत स्पष्ट पारेका छन् ।ब