काठमाडौँ- युक्रेनले यसै हप्ता राजधानी किभमा युरोपेली युनियन ईयूसँग शिखर सम्मेलन गर्ने घोषणा गरेको छ । यो सम्मेलनले युद्धबाट युक्रेनलाइ ईयू सदस्यताको नजिक ल्याउने अपेक्षा गरिएको छ ।

रुसले आक्रमण गरेको करिब एक वर्षपछि युक्रेनले ईयूसँग शिखर वार्ता गर्न लागेको हो । राष्ट्रका नाममा सम्बोधन गर्दै युक्रेनी राष्ट्रपति भोलोदिमिर जेलेन्स्कीले आगामी शुक्रबार तय भएको शिखर सम्मेलनबाट ईयूबाट युक्रेनलाई उच्च ‘सहयोग र प्रगति’ प्रतिबिम्बित हुने आशा व्यक्त गरेका छन् ।

रुसी राष्ट्रपति भ्लादिमिर पुटिनले सीसेना पठाएको केही महिनापछि युक्रेनले गत वर्ष जुन महिनामा ईयूमा उम्मेदवार राष्ट्रको हैसियत पाएको थियो । युरोपेली सङ्घको तर्फबाट शिखर सम्मेलनमा को–को सहभागी हुनेछन् भन्ने विवरण भने दिइएको छैन ।