काठमाडौं- युक्रेनको राजधानी किभ नजिकै हेलिकप्टर दुर्घटना हुँदा त्यहाँका गृहमन्त्रीसहित १८ जनाको मृत्यु भएको छ ।
गृहमन्त्री चढेको हेलिकप्टर किभ नजिकै ब्रोभारी क्षेत्रमा शिशु विद्यालय छेउ दुर्घटनामा परेको जनाइएको छ । मारिनेमा युक्रेनी गृहमन्त्री डेनिस मोनास्त्रिस्की पनि छन् । दुर्घटनामा परी मृत्यु हुनेमा तीन जना बालबालिका रहेको बीबीसीले जनाएको छ ।
घटनालगत्तै सामाजिक सञ्जालमा सार्वजनिक एउटा भिडियोमा आगो लागेर जलेको हेलिकप्टरभित्रबाट चित्कार सुनिन्छ ।
दुर्घटनाको कारणबारे तत्काल कुनै विवरण सार्वजनिक गरिएको छैन । दुर्घटनामा १६ जनाको मृत्यु भएको प्रहरीले पुष्टि गरेको छ ।
प्रतिक्रिया