काठमाडौं – ‘नेपाल बिबोइ सिटी २०१९’ प्रतियोगितामा भक्तपुर डार्कनेस क्रु का सदस्य बिव्य चुन्टुले जीत हासिल गरेका छन् । शनिवार काठमाडौंको लैनचौरमा भएको प्रतियोगितामा चुन्टु प्रथम भएका हुन् ।

नेपाल हिपहप फाउन्डेसन तथा गोविन्द एजुकेसनले आयोजना गरेको प्रतियोगितामा छनोटमा परेका चुन्टुले डिसेम्बर ७ देखि ८ सम्म ताईवानमा हुने बिबोइङको विश्व च्याम्पियनसिपमा नेपालका तर्फबाट सहभागिता जनाउने छन् ।

प्रतियोगितामा गायिका समृद्धि राई, र्‍यापर निर्णय डि एन.एस्के, प्रोफेसर ट्रिक्स लगायत उपस्थित थिए । यस्तै कार्यक्रममा वान-अन-वान अल स्टायलमा मुकेश ढकालले उपाधि हात पारे । उनलाई नगद रु. २० हजार  र प्रमाणपत्र प्रदान गरियो । ‘वान-अन-वान अल स्टायल किड्स’ मा बिव्य आर्यन विजयी बने । उनले नगद रु १० हजार र प्रमाणपत्र प्राप्त गरे।

वान-अन-वान अन्डिस्प्युटेड बि-गर्ल’ को उपाधि भने बि-गर्ल फेथ (द ब्याटल फ्युजन क्रुकी सदस्य)ले प्राप्त गरिन् । उनले गदर रू १० हजार र प्रमाणपत्र   प्राप्त गरिन्। ‘फो-अन-फो ब्रेकिङ’ को उपाधी भने लेट्स ब्रेक क्रुले हात पार्‍यो । उपाधिसँगै टिमले नगद रू३० हजार र प्रमाणपत्र प्राप्त गर्‍यो।

प्रतियोगितामा उत्कृष्ट  प्रदर्शन गर्दै  योजना धमलाले गोविन्द एजुकेसन राइजिङ स्टार अवार्ड जितिन् ।

सम्पूर्ण विजेतालाई गोविन्द एजुकेसनका कार्यकारी निर्देशक विज्ञान कँडेल तथा हेल्थ करियर्स् इन्टरनेसनल अष्ट्रेलियाका नेपालका लागि बजार व्यवस्थापक धीरज सिंहले सम्मान गरेका थिए ।