काठमाडौँ- भारतको जम्मु कश्मीरका किसानहरु माछापालनतर्फ आकर्षित हुन थालेका छन् । भारतको केन्द्र सरकारले अघि सारेको राष्ट्रिय किसान विकास योजनाबाट प्रकावित भएर जम्मु कश्मीरका किसानहरु माछापालनतर्फ आकर्षित भएका हुन् ।

यसका लागि जम्मु कश्मीरमा मत्स्य विभागले पनि किसानहरुलाई माछापालनका लागि प्रोत्साहन गरेको भारतीय समाचार संस्था एएनआईले जनाएको छ । यसबाट शिक्षा पाएर पनि अवसरबाट बञ्चित भएका युवाहरु लाभान्वित भएको एएनआईले उल्लेख गरेको छ ।

पानीको दिगो स्रोत र जमिनको सानो टुक्रामा थोरै लगानीबाट पनि मनग्य आम्दानी हुने भएकाले किसानहरु यसतर्फ आकर्षित भएका हुन् ।

यस्तै, जम्मु कश्मीरको सरकारले पनि किसानहरुलाई माछापालनका लागि आधुनिक प्रविधि, तालिम र अन्य सहयोग गर्दै आएको छ । कश्मीरको ट्राउट माछा विश्वमै लोकप्रिय पनि मानिन्छ ।