काठमाडौँ– नेपाली समुदायको सेवामा समर्पित एक जना नेपालीले बेलायतको प्रतिष्ठित अर्डर अफ द ब्रिटिश इम्पायर ओबीई पदक पाउने भएका छन् ।
लण्डनको एलिङ क्षेत्रमा सामुदायिक सेवा एवम् बेलायत र ग्रेटर लण्डनमा रहेका नेपाली समुदायको सेवामा समर्पित भएको भन्दै महन्तबहादुर श्रेष्ठलाई ओबीई पदक दिइने भएको हो ।
उनलाई बेलायती राजा चार्ल्स तृतीयले आगामी जुन महिनामा एक समारोहबीच उक्त पदक प्रदान गर्नेछन् ।
लण्डन वल्र्डका अनुसार उनीसँगै १ हजार एक सय ७ जनाले यो वर्ष बेलायती राजाबाट विभिन्न पदक पाउनेछन् । यीमध्ये ५४८ जना महिला रहेका छन् ।
समाजमा विशेष योगदान पु¥याएबापत बेलायतमा विभिन्न पदक दिइने चलन रहेको छ ।
प्रतिक्रिया