काठमाडौँ- सोलुखुम्बुस्थित आमादब्लम हिमाल आरोहणका क्रममा चिप्लिएर खुट्टा मर्किएका स्पेनी ओरोहीको उद्धार गरिएको छ । स्पेनी नागरिक जापाता लोपेज सोजे म्यानुएललाई आमादब्लम हिमालको ६ हजार ३०० मिटरको उचाइबाट उद्धार गरिएको हो ।

सिम्रीक एयरले उनको उद्धार गरेको हो । सिम्रीक एअरले लङ लाइन (डोरीको प्रयोग) रेस्क्यु गरेर उनलाई बेसक्याम्प झारेको थियो । बेसक्याम्पबाट उनलाई उपचारका लागि सिम्रीक एयरकै हेलिकोप्टरबाट काठमाडौं ल्याइएको छ ।

स्रिमीक एयरका पाइलट सिद्धार्थ गुरुङ, उद्धार विशेषज्ञ छिरिङ डेन्डुप भोटे र आङ तासी शेर्पाले लङ लाइनमार्फत आमादब्लम हिमालबाट म्यानुएलको उद्धार गरेका हुन् । सो स्थानमा हेलिकप्टर अवतरण गर्न असम्भव भएकाले लङ लाइन (डोरी) मार्फत म्यानुएलको उद्धार गरिएको हो ।