काठमाडौं–वैदेशिक रोजगार प्रवद्र्धन बोर्डले चालु आर्थिक वर्ष २०७५/०७६ का लागि ६ सय ६५ छात्र तथा ६ सय २८ छात्रा गरी १ हजार २ सय ८३ जनालाई छात्रवृत्ति दिने निर्णय गरेको छ ।

बोर्डले छात्रवृत्तिका लागि असार मसान्तभित्र बोर्ड सचिवालयमा आइपुग्ने गरी निवेदन पठाउन पनि बोर्डले सम्बन्धीत विद्यालय र व्यक्तिलाई अपिल गरेको छ । बोर्डले वैदेशिक रोजगारीको क्रममा अभिभावक गुमाउनेका परिवारका छोरा छोरीलाई छात्रवृत्ति दिर्दै आएको छ ।

सोही अनुसार १ हजार २ सय ८३ जना विद्यार्थीलाई छात्रवृत्ति दिने निर्णय गरेको छ । त्यसमा काठमाडौं देखि सिरहासम्मका ४८ जिल्ला रहेका छन् । छात्रवृत्ति पाउनेमा सबैभन्दा बढी झापाका ८१ र त्यसपछि महोत्तरीका ८० विद्यार्थी छन् ।

बोर्ड एक परिवारका दुई जनालाई कक्षा १२ सम्मका लागि छात्रवृत्ति दिने गरेका छ ।