काठमाडौँ- अपराधिक गिरोहविरुद्धको कारवाहीका क्रममा करिब १० हजार सुरक्षाकर्मीले एल साल्भाडोरको सोयापांगो सहरलाई घेरा हालेका छन् ।

सहरतर्फ जाने सम्पूर्ण सडक अवरुद्ध भएका छन् भने गिरोहका सदस्यहरूलाई पक्राउ गर्न विशेष फौजले घरमा खोजी कार्य तीव्र पारेका छन् ।

अधिकारीहरूले शहर छोड्ने प्रयास गर्ने सबैलाई रोकिरहेको जनाइएको छ । उनीहरुले नागरिकको कागजातहरू पनि जाँच गरिरहेका छन् । यसलाई वर्षको सुरुमा हिंसामा वृद्धि भएपछि गिरोहविरुद्ध थालिएको कारवाहीको पछिल्लो चरणको रुपमा हेरिएको छ ।

सोयापांगो एल साल्भाडोरको महत्वपूर्ण सहर मानिन्छ । उक्त सहरमा २ लाख ९० हजारभन्दा बढी मानिसहरूको बसोबास छ । राजधानी सान साल्भाडोरबाट मात्र १३ किलोमिटर (८ माईल) पश्चिममा रहेको यो सहरमा लामो समयदेखि आपराधिक गिरोहको सक्रियता रहँदै आएको छ ।