काठमाडौं– नेपाल आइडल सिजन–२ का विजेता रवि ओडले मिर्गौला पीडित हेमन्त सिंह ठकुरीको सहयोगार्थ गीत गाउने भएका छन् ।

यही असार २० गते नेपालगन्जमा सांस्कृतिक कार्यक्रमको आयोजना गरिने भएको छ । उक्त सांस्कृतिक कार्यक्रममा रवीले कम्तीमा पनि ५ वटा गीत गाउने आयोजकले जानकारी दिएको छ ।

‘उनले गीत गाएवापत कुनै शुल्क लिने छैनन्। मिर्गौंला पीडितको लागि निःशुल्क गाउन आउन लागेका हुन्,’ हेमन्त बचाउ अभियानका संयोजक आशिष मल्ल ठकुरीलेले बताए ।

कार्यक्रममा ओडका साथै लोक गायिका निर्मला थापा मगर, पप गायक/गायिक विशाल निरौला र उमा गुरुङ भट्टराई, डान्सर मेघना मगरको प्रस्तुति रहनेछ। सल्यान जिल्लाको बानगाड कुपुण्डे नगरपालिका ७ घर भएका हेमन्त सिंह ठकुरीको विगत ८ महिनादेखि दुवै मृगौलाले काम गर्न छोडेपछि उपचारत छन् ।