नयाँ दिल्ली– भारतीय कांग्रेस पार्टी प्रमुख राहुल गान्धीले पदबाट राजीनामा दिएका छन् । बुधबार ट्वीट गर्दै कांग्रेस अध्यक्ष गान्धीले पार्टी प्रमुखबाट राजीनामा दिने घोषणा गरेका हुन् ।

ट्वीटमा उनले हालै भएको आम निर्वाचनमा पार्टीको पराजयको जिम्मेवारी लिँदै पार्टी प्रमुखको पदबाट राजीनामा दिएको घोषणा गरेका हुन् । यसअघि पनि उनले राजीनामा दिने मनशाय व्यक्त गरेको तर पार्टीका नेताहरुले उनलाई राजीनामा नदिन सल्लाह दिएपछि उनी पछि हटेको समाचार सार्वजनिक भएको थियो ।

अघिल्लो अप्रिल र मे महिनामा भएको आम निर्वाचनमा कांग्रेसले ५४३ मध्ये केबल ५२ सिट ल्याएको थियो । लज्जास्पद पराजयसँगै उनीमाथि राजीनामा दिन तीब्र दबाब रहीआएको थियो । राहुल गान्धीका बाबु राजिव गान्धी, हजुरआमा इन्दिरा गान्धी र बुढा हजुरबुवा जवाहरलाल नेहरुले भारतीय प्रधानमन्त्रीको रुपमा आफ्नो जिम्मेवारी सम्हालेका थिए ।