काठमाडौं– केही दिन यता सामाजिक सञ्जाल फेसबुकमा एक ‘धानवाली’को खुबै चर्चा र आलोचना भएको छ । नहोस् पनि कसरी ! धान दिवसका दिन आफ्ना गोप्य अंगमा धान रोपेपछि यस्तो हुनु स्वभाविक हो ।

असार १५ मा सबैले धान दिवस मनाइरहँदा यी धानवालीले भने आफ्नो गोप्य अंगमा धान रोपेर ‘फोटोसुट’ गराइन् । त्यसपछि उनी एकाएक भाइरल बनिन् । पछि उनी मिडियामा समेत सार्वजनिक भएकी छन् ।

वास्तवमा ती धानवाली हुन्– मोडल रितिका जिरेल । उनको धान दिवसको त्यो हर्कतलाई सामाजिक सञ्जालमा जसले जेसुकै किसिमले चर्चा  गरेको भए पनि उनी आफूले सन्देश दिन यस्तो गरेको बताउँछिन् ।

म्यूजिक भिडियोमा समेत अभिनय गरेकी जिरेलले नेपालमा खेती योग्य जग्गाहरुमा प्लटिङ गरेर सबैतिर बाँझो राख्नुका साथै घर बनाउन थालेपछि जग्गाको अभाव हुँदै गएको सन्देश दिन आफूले यसरी शरीरमै धान रोपाईं गरेको बताएकी छिन् ।