काठमाडौँ– भारतले प्यालेस्टाइनी शरणार्थीहरुका लागि २५ लाख अमेरिकी डलर प्रदान गरेको छ । रमाल्लाहस्थित भारतीय प्रतिनिधि कार्यालयले विज्ञप्ति जारी गर्दै मध्यपूर्वमा प्यालेस्टाइनी शरणार्थीको राहत एवम् कार्यका लागि संयुक्त राष्ट्रसंघीय निकाय (अन्व्रा) लाई २५ लाख डलर प्रदान गरिएको जनाएको छ ।
शरणार्थीहरुको शिक्षा, स्वास्थ्य सेवा, राहत एवम् सामाजिक कार्यमा उक्त निकायले सहयोग रकम खर्च गर्ने जनाइएको छ । भारतीय समाचार संस्था एएनआईका अनुसार उक्त रकम अन्व्राका प्रतिनिधि शुरान वुलाई हस्तान्तरण गरिएको छ ।
पछिल्लो समय सिरिया, लेबनानजस्ता मुलुकमा रहेका प्यास्टाइनी शरणार्थीहरुको अवस्था दयनीय बन्दै गएको बताइएको छ ।
प्रतिक्रिया