काठमाडौँ– भियतनाममा एक जना धनाढ्य महिलालाई सम्पत्ति अपचलनको अरोमा पक्राउ गरिएको छ । भियतनामको लगानी कम्पनी भान थिन्ह फाट होल्डिङ समूहकी संस्थापक प्रमुख त्रोङ माइ लानलाई सम्पत्ति अपचलनको आरोपमा पक्राउ गरिएको हो ।

मुलुकमा जारी वित्तीय अपराधविरुद्धको कारवाहीको पछिल्लो घटनामा उनी पक्राउ परेकी हुन् । भियतनामको सार्वजनिक सुरक्षा मन्त्रालयका अनुसार सन् २०१८–१९ को समयावधिमा उनले गैरकानूनी हिसाबमा ऋणपत्र जारी गरेर लगानीकर्ताहरुबाट दशौँ खर्ब डोङ अर्थात् करोडौँ अमेरिकी डलर उठाएको आरोप लागेको छ ।

उनका चिनियाँ श्रीमान् घरजग्गा कारोबारमा संलग्न रहेको बताइएको छ । यसबाहेक उनको परिवार सत्तारुढ चिनियाँ कम्युनिष्ट पार्टीसँग पनि निकट रहेको ठानिएको छ ।

सिंगापुर पोस्टका अनुसार अक्टोबर महिनाको प्रारम्भीक दिनहरुमा उक्त होल्डिङ समूहका वरिष्ठ कार्यकारीहरुको मृत्यु भएपछि यसमा चिनियाँ साँठगाँठबारे आशंका उत्पन्न भएको थियो ।