काठमाडौं– इंग्ल्याण्डमा जारी १२ औं संस्करणको आईसीसी एकदवसीय विश्वकप क्रिकेटको जारी खेलमा इंग्ल्याण्डले भारतलाई ३ सय ३८ रनको लक्ष्य दिएको छ ।

इडनबर्ग क्रिकेट मैदानमा भइरहेको खेलमा निर्धारित ५० ओभर खेल्दै इंग्ल्याण्डले ७ विकेट गुमाएर ३३७ रन बनाएको हो । इंग्ल्याण्डका लागि ओपनिङ ब्याट्सम्यान जसन रोय र जोनि बेरिस्टोबीच उत्कृष्ट साझेदारी खेलेका थिए । जसमा उनीहरुले १ सय ६० रनको साझेदी पारी खेलेका थिए ।

इंग्ल्याण्डका लागि जोनि बेरिस्टोले शतकसहित १सय११ रन बनाए । उनले १०९ बलमा १० चौका र ६ छक्का प्रहार गरेका थिए । यस्तै, वेन स्टोक्सले ५४ बलमा ६ चौका र ३ छक्का प्रहार गर्दै ७९ रन बनाए भने जसन रोयले ५७ बलमा ७ चौका र २ छक्काको मतद्दमा ६६ रन, जोइ रुटले ४४ रन जोस बट्लरले २० रन बनाए ।

टस हारेर पहिलो फिल्डिङ गरेको भारतका लागि मोहमद सामीले उत्कृष्ट बलिङ गरे । उनले १० ओभर बलिङ गर्दै ६९ रन खर्चेर ५ विकेट लिए भने कुलदीप यादव र जस्प्रीत बुमराहले समान एक–एक विकेट लिए ।