काठमाडौँ– उत्तर कोरियाका सर्वोच्च नेता किम जोङ उनले चिनियाँ राष्ट्रपति सी जिन्पिङलाई तेस्रो कार्यकालका लागि चिनियाँ कम्युनिष्ट पार्टीको महासचिव एवम् मुलुकको राष्ट्रपतिमा चयन भएकोमा बधाई दिएका छन् । उत्तर कोरियाको सरकार सञ्चालित केसीएनए समाचार संस्थाले सर्वोच्च नेता किमले सीलाई बधाई दिएको जनाएको छ ।

उनले बधाई पत्रमा सीको नेतृत्वमा दुई मुलुकबीचको सम्बन्ध अझ सुन्दर हुने र समयको मागअनुसार दुई मुलुकमा समाजवादी अभ्यासलाई अझ मजबुत रुपमा अघि बढाउने विश्वास लिएको उल्लेख गरेको जनाइएको छ ।

‘चिनियाँ कम्युनिष्ट पार्टीको २० औं महाधिवेशनबाट चिनियाँ पार्टी र जनताले महत्वपूर्ण कोसेढुङ्गा पार गरेका छन् र नयाँ युगमा चिनियाँ चरित्रसहितको समाजवादी विचारको झण्डामुनी चिनियाँ राष्ट्रलाई अझ समृद्ध बनाउने ऐतहासिक प्रक्रियालाई अझ सुदृढ गरेको छ ।’ पत्रमा उल्लेख गरिएको छ ।