काठमाडौँ- इटालीकी नवनियुक्त प्रधानमन्त्री जर्जिया मेलोनीले देशमा एकताका लागि सबै राजनीतिक दल तथा सबै पक्षलाई आह्वान गरेकी छिन् । देशमा राजनीतिकलगायतका समस्याहरु उत्पन्न भइरहेका बेला उनले नयाँ प्रधानमन्त्रीको सपथ लिएसँगै सो आग्रह गरेकी हुन् ।

उनले शनिबार इटालीको पहिलो महिला प्रधानमन्त्रीका रुपमा सपथ लिएकी थिइन् । उनलाई त्यहाँका पूर्व प्रधानमन्त्री मारियो ड्राघीले एक समारोहबीच पद हस्तान्तरण गरेका हुन् । सन् २०२१ को जनवरीमा ड्राघी प्रधानमन्त्रीमा नियुक्त भएका थिए । उनी त्यसअघि गभर्नरका रुपमा कार्यरत रहेका थिए । उनी केही समयदेखि काम चलाउ प्रधानमन्त्रीका रुपमा रहेका थिए ।

मेलोनीको दलले हालै सम्पन्न भएको संसदीय निर्वाचनमा २६ प्रतिशतमात्र मत प्राप्त गरेको थियो । तर पनि उनलाई प्रधानमन्त्रीका रुपमा नियुक्त गरेर नयाँ सरकार गठन गर्न पूर्वप्रधानमन्त्री ड्राघीले आग्रह गरेका हुन् ।

उनले हाल आफ्ना पार्टीका मात्र सदस्य समेटेर सानो सरकार बनाएकी छिन् र अरु राजनीतिक दलहरुलाई पनि सरकारमा समावेश हुन आग्रह गरेकी छिन् । उनले आइतबार टेलिभिजनमार्फत् देशवासीका नाममा सम्बोधन गर्दै देशमा कैयौँ राजनीतिक समस्याहरु रहेकाले तिनको समाधानका लागि सबै राजनीतिक दल मिलेर सरकार निर्माण गर्नुपर्ने धारणा राखिन् ।