काठमाडौं– गायिका पूर्णिमा लामाले अहिलेसम्म पाँच सयभन्दा बढी गीत गाउन सफल भएकी छिन् ।

नेपाली सुगम संगीत क्षेत्रकी परिचित गायिका लामा सानै उमेरदेखि गीतसंगीत क्षेत्रमा  लाग्दै आएकी छिन् । उनी डेढ दशकदेखि निरन्तर नेपाली गीतसंगीत क्षेत्रमा क्रियाशील पनि छिन् । 

नेपाली गीतसंगीत क्षेत्रको चम्किलो ताराको रुपमा स्थापित भइसकेकी गायिका लामा असाधारण क्षमताकी बहुप्रतिभाशाली गायिका समेत हुन् । लामाले हालसम्ममा झन्डै पाँचभन्दा बढी गीत गाइसकेको बताइन् । लामाले गीतसंगीत क्षेत्रमा पुर्‍याएको योगदानको कदर गर्दै राष्ट्रियस्तर संघसंस्थाहरूबाट विभिन्न समेत पाइसकेकी छिन् ।  हालसम्म एक दर्जनौँभन्दा बढी अवार्ड प्राप्त गरिसकेको उनी बताउँछिन् । 

डेढ दशकदेखि गीतसंगीत क्षेत्रमा निरन्तर सक्रिय लामाले गाएको मुटु जली खरानी भो, फुल भनौँ जिन्दगीलाई, साँचो माया, कसले बुझ्ने, चोखो माया जस्ता दर्जनौँ गीत गाएकी छिन् । उनले नेपालमा मात्रै नभएर हङकङ, कोरिया, दबाइ, कतार, मलेसियालगायत देशमा समेत पुगेर आफ्नो प्रस्तुति दिइसकेकी छिन् ।