काठमाडौँ- प्यालेस्टाइनी र इजरायली फौजबीच भएको झडपमा परी दुई जनाको ज्यान गएको छ । इजरायली कब्जामा रहेको प्यालेस्टाइनको वेस्ट बैंकमा अवस्थित एक प्रहरी जाँच चौकीनजिकै झडप भएको हो ।

झडपका क्रममा मारिनेमा दुई प्यालेस्टाइनी र एक इजरायली सैनिक रहेको प्यालेस्टाइनी स्वास्थ्य मन्त्रालयले जनाएको छ ।

गिल्बोआ क्रसिङ नजिकै रातभर प्यालेस्टाइनी आतङ्ककारीहरुसँगको झडपमा इजरायली रक्षा बल (आइडिएफ) एक अधिकारीको मृत्यु भएको इजरायली सेनाद्वारा प्रकाशित विज्ञप्तिमा जनाइएको छ ।

प्यालेस्टाइनको स्वास्थ्य मन्त्रालयले प्रहरी जाँच चौकी नजिकै दुई युवा ‘शहीद’ भएको पुष्टि गरेको छ ।

पछिल्लो केही समययता प्यालेस्टाइनी र इजरायली पक्षबीच बेलाबेला तनाव उत्पन्न हुँदै आएको बताइएको छ ।

पछिल्लो पटक गत अगस्ट महिनाको प्रारम्भीक सातामा इजरायली फौजले प्यालेस्टाइनविरुद्ध कारवाही गरेको थियो । उक्त कारवाहीका क्रममा दर्जनौँ प्यालेस्टाइनीको मृत्यु भएको जनाइएको छ ।