काठमाडौं– लोक गायक बिष्णु खत्रीको असारे गीत ‘बर्खा’ सार्वजनिक भएको छ ।

किसानी दाईको हलो र जुवा, बेशी खोला खेत जस्ता बर्खे गीतहरुबाट चर्चा कमाएका गायक खत्रीको पछिल्लो गति ‘बर्खा’ले पनि बजारमा राम्रै माहोल बनाएको छ ।  त्यसो त पछिल्लो समय असारे भाका भएका गीतहरु बजारमा कमै मात्रामा आउँछन् ।

उनले ल्याएको ‘बर्खा’ले असारको अवस्थालाई टपक्क टिपेको छ । गीतले नेपाली किसान दाजुभाइका पीडा र मर्म तथा भावनालाई समेट्ने कोशिस गरेको छ । गीतमा बिष्णु खत्री र जुना श्रीषको श्वर रहेको छ ।

स्वयं खत्रीकै लय तथा शब्द रहेको गीतमा उनी आफैले अभिनय गरेका छन् । उनलाई मोडेल अप्सना थापाले साथ दिएकी छिन्। गायक खत्री लामो समयदेखि लोक दोहोरीको क्षेत्रमा स्थापित कलाकार हुन् ।