काठमाडौँ – प्रहरीले अवैध रकमसहित एक जनालाई पक्राउ गरेको छ । नखुलेको ३९ लाख ५० हजार ५०० रुपैयाँसहित काठमाडौंबाट एक जनालाई प्रहरीले पक्राउ गरेको हो ।
पक्राउ पर्नेमा नवलपरासीको बर्दघाट नगरपालिका वडा नं. ६ बस्ने २२ वर्षका टीकाराम भट्टराई छन् ।उनलाई काठमाडौंको चन्द्रागिरी नगरपालिका– २ नागढुङ्गास्थित चेकप्वाइन्टमा ड्युटीमा खटिएको प्रहरीले शुक्रबार दिउँसो साढे १२ पक्राउ गरेको हो ।
धादिङबाट काठमाडौं आउँदै गरेको ना. ४ ख.९६७४ नम्बरको बसको ग्यालरीमा सवार भट्टराईले बोकेको हरियो रङको आर्मी कम्ब्याट खालको झोलामा उक्त रकम फेला परेको प्रहरीले जनाएको छ । पक्राउ परेका उनीमाथि प्रहरी वृत्त थानकोटले थप अनुसन्धान गरिरहेको जनाएको छ ।
प्रतिक्रिया