काठमाडौँ : अठोट नेपालले आयोजना गरेको ‘प्रिजेन्टिङ नेपाल फोटो प्रदर्शनी तथा ग्राण्ड फिनाले’ आज भइरहेको छ । भृकुटीमण्डपस्थित नेपाल पर्यटन बोर्डमा नेपाल फोटो प्रदर्शनी र प्रतिष्पर्धाको फाइनल शुक्रबार भइरहेको हो ।

नेपाल पर्यटन बोर्डकै साथ, सहयोग र समर्थनमा भृकुटीमण्डस्थित बोर्डको सभाहलमा भइरहेको कार्यक्रमलाई पत्रकार रवीन्द्र सुवेदीले सञ्चालन गरेका छन् । कार्यक्रममा पर्यटन व्यवसायी, सरोकारवाला, विभिन्न फोटो खिच्ने पत्रकार तथा फोटोग्राफरका साथै बोर्डका कर्मचारीको पनि सहभागिता छ ।

कार्यक्रमपछि बोर्डकै प्रदर्शनीस्थलमा फोटो प्रदर्शनका लागि राखिएको छ । नेपालका विभिन्न ठाउँका पर्यटकीयस्थलको प्रचार प्रसारका लागि विभिन्न व्यक्तिले खिचिएका फोटोहरुको प्रतिष्पर्धा कार्यक्रम आयोजना गरिएको हो ।