काठमाडौं– प्रहरीले अवैध सुनसहित एक जना भारतीय नागरिक पक्राउ गरेकाे छ । सोमबार दिउँसो दुवइबाट काठमाडौँ आएको सारजाह एभिएसन सर्भिसको जी ९५३६ नम्बरको फ्लाइट भन्सार छली गरी अवैध रूपमा सुन ल्याई कारोबार गर्न लागेको भन्ने गोप्य सूचनाको आधारमा प्रहरीले उनलाई पक्राउ गरेको हो ।
पक्राउ पर्नेमा ३४ वर्षीय विकास महाजन रहेका छन् । विशेष अनुसन्धान टोलीले सिनामंगल गोल्डेन गेट नजिक रहेको ट्याक्सी पार्किङबाट महाजनलाई शङ्कास्पद अवस्थामा फेला पारी खानतलासी गर्दा निजले लगाएको भित्री वश्त्रमा सुन जस्तो पहेँलो पेष्ट गरेको धातु फेला पारेको थियो ।
प्रतिक्रिया